Dionisio Aizpuru, Pedro Mari Isart, Jose Mari Izura eta Rafael Delas, Pasaiako (Gipuzkoa) sarraskian hildakoak, motibazio politikoko biktima gisa aitortu ditu Eusko Jaurlaritzak. Haien senideek gaur jakinarazi dute erabakia. Hain zuzen, larunbatean beteko dira 41 urte dozenaka poliziak Komando Autonomo Antikapitalistetako kide haiek tiroka hil zituztenetik. Senideek adierazi dutenez, etzi prentsaurreko bat egingo dute, lehenbiziko balorazioa egiteko.